Fram á vor verður boðið upp á jógatíma í hádeginu alla þriðjudaga og föstudaga og á sunnudagsmorgnum. Félagsmenn og félagar þeirra eru hjartanlega velkomin. Nánari upplýsingar er að finna á Facebook.
Eva Rós Gústavsdóttir leiðir mildan jógatíma í hádeginu á þriðjudögum. Tíminn stendur í 60 mínútur og er byggður upp með fjölbreyttum líkamsæfingum, öndunaræfingum, hugleiðslu og slökun í lokin.
Eva Rós:
Eva Rós, sem er fædd árið 1989, hefur stundað hugleiðslu frá barnsaldri og kennir nú jóga í Yoga Shala, einkatímum og hjá fyrirtækjum. Hún stundar jafnframt nám í klínískri sálfræði á meistarastigi og greinir skýr tengsl milli jógafræða og sálfræði í nálgun á heilsu og vellíðan.
Í kennslu sinni tengir Eva Rós saman líkamlegar æfingar, öndun og vitund þannig að nemendur fá tækifæri til dýpri sjálfsþroska. Hún leggur áherslu á að jóga sé heildræn nálgun sem styður við andlega heilsu og persónulegan vöxt.
Arngrímur:
Í hádeginu á föstudögum og á sunnudagsmorgnum leiðir Arngrímur Sigmarsson tíma með svipaðri uppbyggingu en hann útskrifaðist úr jógakennaranámi frá Jóga Shala árið 2025 og er fæddur árið 1965.
