Categories
2022 Mundilfari

Mundilfari maí 2022

MUNDILFARI-sumar22

Félagsblað Lífspekifélagins 2. tbl. 50. árg. maí 2022.

Categories
Fréttir

Nýr deildarforseti Lífspekifélagsins

Haraldur Örn Erlendsson var kosinn nýr deildarforseti Lífspekifélags Íslands á aðalfundi félagsins sem haldinn var kl. 20 þann 5. maí 2022 og mun hann taka við af Jóni Ellert Benediktssyni.

Nýir aðilar í stjórn voru kosnir Anna Ottesen og Gunnlaugur Garðarsson og munu þau taka við af Birgi Bjarnasyni og Brynju Gísladóttur.

Nýir aðilar í varastjórn voru kosnir Melkorka Edda Freysteinsdóttir, Sveinbjörn E. Y. Gestsson og Ragnar Jóhannesson.

Skoðunarmenn reikninga verða áfram Ólafur Magnússon og Gunnar Másson.

Mjög góð mæting var á aðalfundinn.

Categories
Fréttir

Dagskrá aðalfundar félagsins

Aðalfundur Lífspekifélagsins 5. maí kl. 20.

Eingöngu félagar hafa rétt til að sitja fundinn. Fundurinn hefur verið auglýstur á löglegan hátt og fundarmenn eru beðnir um að samþykkja lögmæti fundarins.

Kjörgengir, í öllum kosningum, eru þeir sem sem hafa verið í félaginu a.m.k. síðastliðið eitt ár og greitt félagsgjald, en einnig félagar sem eru gjaldfríir vegna aldurs og hafa verið meira en ár í félaginu.

Dagskrá

1. Skýrsla deildarforseta.

2. Gjaldkeri gerir grein fyrir ársreikningum félagsins og Ganglera.

Reikningar hafa verið skoðaðir og verða bornir undir samþykki.

3. Kosið um deildarforseta til eins árs. Í kjöri eru Jón Ellert Benediktsson og Haraldur Erlendsson. Atkvæðagreiðslan er leynileg.

4. Kosið um tvo menn í stjórn til tveggja ára. Tilnefningar sem komið hafa til stjórnar eru: Anna Ottesen, Ragnar Jóhannesson, Gunnlaugur Garðarsson og Pálína S Biasone Sigurðardóttir.

Kosið verður um hvern og einn með handaruppréttingu og þeir tveir sem hljóta flest atkvæði verða í stjórn.

5. Kosið um þrjá menn í varastjórn til eins árs. Heimilt að endurkjósa. Tilnefningar sem komið hafa til stjórnar Melkorka Edda Freysteinsdóttir, Sveinbjörn Gestsson og Gunnlaugur Garðarsson.

6. Kosið um tvo skoðunarmenn reikninga. Nú eru það Ólafur Magnússon og Gunnar Másson.

7. Ákveð árgjald næsta árs.

8. Önnur mál. Orðið laust.

9. Ákveða um stað fyrir næsta aðalfund. Venja að haldinn sé í Reykjavík. Engin tillaga um annað.

Categories
Fréttir

Ráðstefna 1.-6. ágúst 2022 í York, Englandi.

Samtök guðspekideilda í Evrópu (The Federation of Theosophical Societies in Europe) munu halda ráðstefnu í York Englandi 1-6 ágúst næstkomandi. Nánari upplýsingar og skráningarform má nálgast á York 2022 – Theosophical Society in England.

Categories
Fréttir

Lífspekifélagið á Íslandi 100 ára

Fyrsta stúkan, Reykjavíkurstúkan, var stofnuð 1912 og stúkan á Akureyri árið 1913. Eftir það voru fimm stúkur stofnaðar þar til 1920 að félagar ákveða að stofna Íslandsdeildina. Árið 1921 fær deildin formlega staðfestingu frá alsherjarforseta. Fyrsti forseti hennar var Jakob Kristinsson. Kristín Matthíasson tók við 1929. Rit deildarinnar, Gangleri, kom fyrst út prentað 1926 og hefur komið út óslitið síðan.

Grétar Fells var kosin forseti árið 1935 og gengdi því starfi í 21 ár, var jafnframt ritstjóri Ganglera í 30 ár. 1956 var Sigvaldi Hjálmarsson kosinn
deildarforseti og var það í samanlagt 14 ár. 1965 tók hann við ritstjórn Ganglera. Núverandi forseti og ritstjóri Ganglera er Jón Ellert Benediktsson.

Frá upphafi félagsins hefur verið stöðugt starf yfir vetrarmánuðina með fyrirlestrum, hugleiðingum, spjalli og námskeiðum. Saga deildarinnar er samofin húsi félagsins, án hússins hefði sennilega lítið eða ekkert orðið af félagsstarfi. Árið 1917 keypti Ludvig Kaaber einnar hæðar kirkju Aðventista og gaf félaginu. Tveimur árum seinna voru víðtækar breytingar gerðar á húsinu, byggð ofan á það ein hæð og ris.
Árið 1970 er ýmislegt farið að láta á sjá í húsinu og 1975 var ráðist í verulegar endurbætur, þak endurnýjað og húsið klætt að utan og betur einangrað. 1992 var skipt um gólf á efri hæð og nýir burðarbitar settir undir gólfið. 1994 voru gerðar endurbætur á forstofu, uppgangi og forsal niðri. Grafið langt niður undir grunn og steyptar burðarsúlur. Steyptir veggir inni, nýr stigi steyptur. Horn hússins sem var orðið laust frá, bundið
með þessari steypuvinnu. Snyrting færð og snyrting sett einnig uppi. Millilofti breytt og mikið lagað. Gísli V Jónsson á mestan heiður af þessum
endurbótum öllum.

Lífspekifélagið (The Theosophical Society) var ekki stofnað til að boða neina kenningu. Það var stofnað til þess að vera vettvangur fyrir fólk að
leita sanninda um lífið og tilveruna, þar með aðallega sína eigin tilveru, hver á sinn hátt og eftir sinni leið.

Lífspekifélagið var fyrsta félagið sem vakti athygli á austrænum viðhorfum á Vesturlöndum. Þau voru talin áhugaverð þótt engin væri hvattur til að taka þau beinlínis upp og fleygja sínum gömlu viðhorfum. Það var líka fyrsta félagið sem hvatti til frjálsrar stúdíu á dulrænum fræðum
almennt, bæði austrænum og vestrænum. Og nú skipta þau félög, skólar og stofnanir hundruðum, sem beint eða óbeint eiga rót sína að rekja til þessa
kynningastarfs.

Lífspekifélagið var frá upphafi hugsað fyrir mannkynið allt. Það var ekki búið til á einum stað og breiddist síðan út um heiminn, það var þegar í
upphafi stofnað sem alþjóðafélag, sennilega hið fyrsta þeirrar tegundar.
Afmörkuð lífspeki (guðspeki) í nafni félagsins er ekki til né hefði nokkru sinni til verið. Það sem kallað væri lífspeki eða lífspekifræði, eru hugmyndir eða kenningar sem hafa verið kynntar í félaginu en félagsins ekki að öðru leyti, því eðli félagsins samkvæmt boðar það engar kenningar né trúarfræði, sbr. einkunnarorðin: ,,Engin trúarbrögð eru sannleikanum æðri.” Lífspeki er afstaða spurnar og rannsóknar, opið hugarfar í sífelldri endurnýjun.

Lífspekifélagið er hlutlaust gagnvart öllum trúarhreyfingum og ann þeim öllum góðs gengis. Samt er því ekki neitað að lífspekistarf glæðir andlegan
áhuga einmitt hjá þeim sem trúarbrögð ná ekki til, og þess vegna ætti það að njóta velvilja.

Categories
Hugleiðingar Leifur H. Leifsson

Að breyta heiminum

Margar leiðir eru í boði fyrir þá sem leggja út á hinn andlegu braut, sumir fara sína eigin leið, aðrir fara troðnar slóðir meðan einhverjir segja enga leið vera í boði. Margar stöðvar, straumar og stefnu hafa sprottið upp síðustu áratugi þar sem menn geta fengið leiðbeiningar m.a í hugleiðingu, núvitund og yoga. Nóg er í boði og barist er um bitana á hinu andlega markaðstorgi og oftar en ekki er uppljómun á næsta leiti. Lífspekifélagið hefur boðið upp á leiðbeiningar í hugrækt og andlegri iðkun í áratugi þó það hafi kannski ekki farið hátt. Einnig hefur verið talað um núvitund og yoga þar svo áratugum skiptir. En hvað er yoga? Samkvæmt Patanjali er yoga það að ná algjörum tökum á myndun hugsana og hugmynda í huganum og þegar því er náð þá verður maðurinn var við sjálfan sig eins og hann er. Er þetta leiðarljós flestra þeirra sem leggja stund á yoga nú til dags? Ekki veit ég svarið við því. Núvitund er afar vinsæl um þessar mundir og stundum látið sem svo að þetta sé eitthvert nýtt fyrirbæri þarna á ferðinni en augnablikið var aldrei fundið upp.
Margt er í boði fyrir andlega þyrsta nema og það er hægðarleikur að týna sér á þessu andlega markaðstorgi þar sem framboðið er gífurlegt og alltaf kemur eitthvað „nýtt“ til sögunnar. Við verðum samt helst að finna okkur einhverja iðkun eða iðkunaraðferð sem okkur líkar við og halda okkur við hana því annars getur farið þannig að maður eyðir dýrmætum tíma í „andlegt ráp“. En ávallt verðum við að muna að ein leið er ekkert merkilegri eða betri en önnur, það liggja margar leiðir upp fjallið og það kemur að því að þú finnur þann troðning sem hentar þér. Hjá mörgum, kannski ekki öllum, byrjar ákveðið ferli þegar þeir byrja að hugleiða eða hefja andlega iðkun. Stundum eins og eitthvað vakni, eitthvað sem vekur þig til vitundar um lífið. Eitthvað jafnvel sem vekur upp í þér samkennd og þú finnur til kærleika til alls sem er. Þig langar því til að vera til staðar fyrir aðra, hjálpa öðrum án skilyrða. Búddisminn gengur t.a.m. mikið til út á þetta. Zenmeistari einn var eitt sinn spurður hvernig hann myndi skilgreina búddisma, hann sagði: „Hvernig get ég hjálpað?“ Í mahayana búddismanum er hugmyndina um bodhisattva. Bodhisattvinn heitir því að frelsa allar skynverur og fórnar sér fyrir aðra, frestar m.a. eigin nirvana til þess að geta hjálpað öðrum samkvæmt þessari hugmyndafræði. Hvort eitthvað er til í þessari hugmynd eða ekki þá er þetta afar falleg hugsun og sennilegra væri lífið betra og réttlátara hér á jörðinni ef fleiri myndu tileinka sér eitthvað álíka.
Eins og sagði í byrjun þá eru margar leiðir í boði fyrir þá sem leggja úr í hið andlega ferðalag, en er ferðalagið okkar? Kannski er það ekki „okkar“ þegar öllu er á botninn hvolft. Samhliða iðkun ættum við að láta gott af okkur leiða, þjónusta og hjálpa samferðafólki okkar hvort sem það er í lífi, starfi eða andlegri iðkun þess. Við ættum að starfa, þjónusta og iðka án skilyrða, án þess að vænta einhverra launa eða hróss. Flest okkar vilja sjá betri heim verða til en til þess að breyta heiminum verður þú að byrja á sjálfum þér og þá skipta athafnir okkar máli.

„Sá starfar bezt, sem starfar án eigingjarnra hvata, sem þráir hvorki peninga né neitt annað og þegar maðurinn er fær um þetta, verður hann Búddha og frá honum streymir máttur til þess að starfa svo, að það breyti heiminum.“
(Vivekananda)

Leifur H Leifsson

Categories
2022 Mundilfari

Mundilfari janúar 2022

MUNDILFARI-jan22

Félagsblað Lífspekifélagins 1. tbl. 50. árg. jan. 2022.

Categories
2021 Mundilfari

Mundilfari október 2021

MUNDILFARI_okt_21_pdf

Félagsblað Lífspekifélagins 1. tbl. 49. árg. okt. 2021.